Google Ads па әлде Target па? Қазақстанда жарнаманы қайда берген дұрыс?
Бюджетті тиімді жұмсағыңыз келсе, осы екі арнаның айырмашылығын біліп алыңыз.
Мақала мазмұны:
Қазақстанда жарнама берудің екі негізгі жолы бар: Google-дегі контекстік жарнама және Instagram/Facebook-тегі таргет.
Google Ads: Іздеп тұрған клиент
Google-ді адамдар нақты бір нәрсе керек болғанда ашады. "Алматыда жиһаз сатып алу" деп жазған адам — ол дайын клиент. Google жарнамасының конверсиясы жоғары, бірақ бағасы (CPC) сәл қымбат болуы мүмкін.
Таргет: Суық және жылы аудитория
Instagram-да адамдар демалу үшін отырады. Біз олардың алдынан "сізге мынау керек шығар" деп шығамыз. Таргет — жаңа клиенттерді тарту, бренд танымалдылығын арттыру және импульстік сауда үшін керемет.
Қайсысын таңдаймыз?
Егер сіздің тауарыңызды адамдар Google-де іздесе (мысалы, сантехник, заңгер, кондиционер) — Google Ads. Егер сіздің тауарыңыз визуалды болса және оны адамдар іздемесе, бірақ көріп қызығуы мүмкін болса (мысалы, әдемі көйлек, курстар, жаңа кафе) — Таргет.
